SpaceX şirkəti iki dəfə təxirə saldıqdan sonra, Starlink sisteminin 60 ədəd kommunikasiya peykli Falcon 9 raketlərini nəhayət ki, orbitə buraxıb. Ehtimal edilir ki, yaxın illərdə şirkət Yerin yaxın orbitinə buraxılacaq Starlink sistemini 12 min peykə qədər genişləndirəcək ki, onlar da bütün dünyanı sürətli internetlə təmin edəcəklər. Raketin orbitə buraxılma anı SpaceX şirkətinin Youtube kanalı vasitəsilə yayımlanıb.
Starlink — qlobal peyk interneti sistemidir ki, bütün Yer üzünü siqnalla təmin edəcək. Bunun üçün SpaceX kosmosa 11943 peyk buraxmağa hazırlaşır. Onlar Yer üzündəki terminallarla fazalı anten növbələşməsi rejimində əlaqə saxlayacaq, bir-birilərinə məlumatları lazer sistemi ilə ötürəcəklər (ilk peyklər lazerdən istifadə etməyəcək). 7518 peyk 340 kilometr yuksəklikdə çevrə orbitlərində yerləşək. 1584 ədəd peyk 550 kilometr yüksəklikdəki çevrə orbitində qərar tutacaq. 1150 kilometr yüksəklikdə isə 2841 peyk yerləşəcək.
SpaceX qeyd edir ki, mühərriklərin köməyi ilə peyklər nəinki öz orbitlərinə çatacaq, hətta avtomatik olaraq, kosmik zibillərlə çarpışmamaq üçün orbiti korrektə də edəcəklər.
Peyk şəbəkəsinin daha tez işə salınması üçün SpaceX mühəndisləri onların konstruksiyasını ilk iki prototipləri ilə (2018-ci ilin fevralında orbitə qalxmış peyklər) müqayisədə mükəmməlləşdirməli olublar. Yeni peyklər yastı konstruksiyaya sahibdir ki, bu da onlara peykləri burun hissəsində yerləşdirməyə imkan verir.
Starlink peykli Falcon 9 raketinin orbitə qalxması mayın 24-ü, Kanaveral burnunda yerləşən kosmodromda baş tutub. Bu proses mayın 17-də nəzərdə tutulsa da, pis hava şəraitinə görə təxirə salınmışdı. Bu layihə SpaseX şirkəti üçün ən irimiqyaslısı olmaqla yanaşı, (hərçənd, şirkət daha əvvəl 64 qurğunu eyni anda orbitə buraxmışdı) həm də ən ağırı oldu. Hər Starlink peykinin çəkisi 227 kiloqram, ümumi çəkisi 13,62 ton, faydalı qurğularla birlikdə isə 18.5 ton təşkil edir. Bu məlumatı Elon Musk özü verib.
Daha əvvəllər SpaceX şirkəti üçün rekord yük pilot kosmik gəmisi Crew Dragonun orbitə buraxılması idi ki, onun ümumi çəkisi, yanacağı ilə birlikdə 12 ton idi. Görünür, şirkət faydalı yük üçün yeni adapter istifadə etməyə başlayıb, çünki adapterin əvvəlki versiyası ancaq 10.8 ton yük qaldırmağa imkan verirdi.
Xatırladaq ki, daha əvvəl də xəbər verdiyimiz kimi, bu yeganə ümumdünya, sürətli internet layihəsi deyil. Bu ilin fevral ayında London startapı olan OneWeb də Yer orbitinə ilk peyklərini buraxmışdı. O zaman söhbət 6 sınaq peykindən gedirdi.