Rejissor Əli İsa Cabbarovun “Seçim” sənədli filmi təqdim olunub. Azərbaycanın tanınmış siyasətçiləri və onların Azərbaycanda son 17 ildə baş vermiş referendumlar və digər hadisələr barədə fikirlərinin də yer aldığı bu maraqlı qısa filmdə, ölkənin vəziyyəti ilə daha yaxından tanış olacaq, özünüzü bir söhbətin içində hiss edəcəksiniz.
Filmin musiqisi Firudin Allahverdiyə məxsusdur. Rejissor/prodüser Əli İsa Cabbarovla müxtəlif film layihələrində 10 ildən artıq müddətdir çalışdıqlarını bildirən bəstəkar, bu filmin, onların ilk rejissor-bəstəkar tandemi olduğunu da qeyd etdi.
