On dörd min il əvvəl bataraq məhv olduğuna inanılan, insanların məhz bu torpaqlardan bütün dünyaya yayıldığı güman edilən əfsanəvi qitə – MU.
Bu, elə bir mövzudur ki, hətta Atlantis məsələsi belə, daha real qəbul edilir. Amma MU birmənalı olaraq qətiyyən ciddi mövzu hesab edilməməkdədir. Bu qitənin fiziki olaraq mümkün ola bilməyəcəyini, varlığına dair hər hansı bir elmi açıqlamanın olmadığını iddia edən bir çox elm adamı bu mövzuya dair bir çox tədqiqatlar aparmışdır. Hindistan məbədlərində olan daş kitabələr, Meksikada Teotihuacan piramida məbədindəki divar yazıları, Çindəki məbədlərdə aşkar edilən qədim yazılar tədqiqatçıları daha çox həyəcanlandırmış və araşdırmaya təşviq etmişdir.
Bu tədqiqatçılar arasında Türkiyə Cümhuriyyətinin qurucusu Mustafa Kamal da var. Onun istəyi ilə Meksikada xidmət edən türk səfiri (Tahsin Mayatepek) bu mövzuda çox ciddi araşdırmalar aparmışdır.
Sirləri ilə insanları heyrətə salan bu itmiş qitə haqqında ən maraqlı nüanslardan biri, qədim yunan əlifbası ilə arasında olan qəribə bağlantıdır. Qədim yunan elm xadimlərinin – hansı ki, hələ də elmin müxtəlif sahələrində məhz onlara istinad edirik – yazılarında, kitablarında insanların ilk çıxığı torpaqlara, ölkələrə dair ismarıclar olduğunu bilirik. Lakin indi baxacağımız yazılar, mətnlər, kitablar deyill, əlifbanın özüdür. James Churchward (Mu haqqında ən ciddi və ən samballı tədqiqatları ilə məşhurdur) “İtmiş Qitə – MU” kitabında Yunan əlifabasının əslində Cara-Maya kəlimələrindən yarandığını və Munun batmağı haqqında danışan hekayə olduğunu deyir. Eramızdan əvvəl 403-cü ildə Evklidin vaxtında yunan filoloqlar hal-hazırda da istifadə olunan yunan əlifbasını böyük fəlakət zamanı atalarının, babalarının xatirəsini əbədi tutmaq üçün tərtib etmişdirlər.
| Yunan əlifbası | Cara-Maya |
| Alpha | Al – ağır, şiddətli, paa – hücum etmək, dağıtmaq, ha – su |
| Beta | Be – yüyürmək, ta – yer, zəmin |
| Qamma | Qam – məruz qalmaq, ma – ana, yür üzü |
| Delta | Del – dərin, dib, ta – yer |
| Epsilon | Ep – maneə, sil – kənar yaratmaq, onom – qasırğa |
| Zeta | Ze – vurmaq, ta -yer |
| Eta | Et – ilə, ha- su |
| Theta | Thethe – əhatə etmək, örtmək, ha – su |
| Lota | Lo – hərəkət edən canlı, ta – su |
| Kappa | Ka – suyun dibinə enən çöküntü, paa – hücum etmək, dağıtmaq |
| Lambda | Lam – suya batmaq, be – yüyürmək, ta – su |
| Mu | Mu – MU |
| Ni | Ni – Zirvə, uc |
| Xi | Xi – Yüksəlmək, üzərində görünmək |
| Omikron | Om – burulğan, fırlanmaq, ik – külək, le – yer, on – dairəvi |
| Pi | Pi – yavaş-yavaş, astaca yerləşmək |
| Rho | Ro – a, ə qədər, ho – gəlmək |
| Siqma | Zi – soyuq, ik – külək, ma – ana, torpaq |
| Tau | Ta – yer, u – alt, vadi, uçurum |
| Upsilon | U – alt, vadi, uçurum, pa – hovuz, zi – soyuq, le – yer, on – dairəvi |
| Phi | Pe – gəlmək, hi – palçıq |
| Chi | Çi – ağzını açmaq |
| Psi | Pe – gəlmək, çölə çıxmaq, zi – duman, buxar |
| Omega | O – orada, mec – burulğan, ka – lil |
Kəlmələri, sözləri sırası ilə yan-yana qoyarkən ortaya çıxan sərbəst mətn isə belədir:
“Ovaların üstünə sular gələr. Dalğaların sahil yaratdığı alçaq yerləri örtər. Sular yer üzünə hücum edər. Yaşayan və hərəkət edən hər şeyə / yerə yayılar. Torpaq tab gətirməz. Və MU torpaqları batar. Suyun üzərində tənha zirvələr görünür. Soyuq havalar gələnə qədər ətrafda tufanlar olar. Əvvəllər vadilərin olduğu yerlərdə böyük dərinlikdə soyuq göllər vardır. Dairə formasındakı yerlərdə palçıq təbəqələr yaranar. Buxarın çıxdığı ağızlar açılar.”
Olduqca təsirli, eyni zamanda heyrətləndiricidir. İlk dəfə qədim sivilizasiyalar haqqında araşdırma apararkən özümü dərin bir labirintdə hiss edirdim. Hər şey, hər yer, hər kəs bir-birilə bu qədər necə bağlı, əlaqəli ola bilər?! Bu mümkün deyil. Dünyanın ən məşhur elm xadimləri, elmi institutlar, elmin bütün sahələrində qədim yunan alimlərinə istinad edərək, onların dərin və inanılmaz savadları qarşısında ayağa qalxır, təzim edirlər. Lakin onların inancına, dinlərinə mifologiya deyib rədd edirlər. Sizcə burda böyük bir təzad yoxdurmu? Bəlkə bizim mifologiya olaraq qəbul etdiyimiz hekayələr antologiyası bir növ alleqoriyalardır? Ya da həqiqətin inikası?
Ardı var…
