Azərbaycan Xarici İşlər Nazirliyi bu yaxınlarda Moskvada Azərbaycan və Ermənistan XİN-ləri arasında əldə edilmiş jurnalistlərə asanlaşdırılmış buraxılış barədə razılığa əməl etməyə hazır olduğunu bildirib.
«Bakı hər zaman Ermənistan və Azərbaycan cəmiyyətləri arasındakı müəyyən qarşılıqlı anlaşmanın yaranmasına və möhkəmlənməsinə yönəlik şərtlərin olmasına maraqlı olub», — deyə «КоммерсантЪ» Azərbaycan XİN-inin mətbuat katibi Leyla Abdullayevanın sözlərinə istinad edir.
XİN mətbuat katibi eyni zamanda onu da bildirib ki, Bakı öz vətəndaşlarının məhbuslara baş çəkmək məqsədilə Ermənistan və Qarabağa səfərinə mane olmayacaq.
«Azərbaycan höküməti heç zaman öz vətəndaşlarının Ermənistan və ya Azərbaycanın işğal edilmiş ərazilərinə girişinə sərt qadağalar qoymayıb. Belə səfərlərin azlığı azərbaycanlıların həmin ərazilərdə öz şəxsi təhlükəsizliklərini düşünməsi ilə bağlıdır. Amma erməi tərəfi lazımi təhlükəsizlik təminatını verdiyi halda, vəziyyət yaxşıya doğru dəyişə bilər. », — xanım Abdullayeva deyib.