Plaid adlı yeni ötürücünün bir il ərzində Model S Sedan, Model X SUV və Roadster idman avtomobillərində quraşdırılacağı gözlənilir.
Elon Musk twitter hesabında, Tesla-nın Model S, Model X və Roadster-i sürətləndirmək üçün yeni bir sürət ötürücü istehsal edəcəyini yazdı. Çərşənbə və Cümə axşamı günləri, həmçinin Tesla-nın twitter hesabındakı tvitlər, şirkətin yeni, daha yüksək tutumlu sürət ötürücüsü üzərində çalışdığını bəlli etdi.
Yes. To be clear, Plaid powertrain is about a year away from production & applies to S,X & Roadster, but not 3 or Y. Will cost more than our current offerings, but less than competitors.
— Elon Musk (@elonmusk) September 12, 2019
Plaid adı verilən sürət ötürücü mexanizmi, bir il ərzində Model S Sedan, Model X SUV və Roadster idman avtomobilində tətbiq olunacaq. Ancaq Model 3 sedan və ya Model Y SUV bu texnologiyanı istifadə etməyəcək.
Tesla komandasının bu yeni mexanizmi adlandırarkən Spaceballs filmindəki bir səhnədən ilhamlandığı görünür. Bu adla şirkət filmdə qeyri-adi yüksək sürətli bir kosmik gəmiyə diqqət çəkir.
*~ Some personal news ~*
We lapped Laguna Seca @WeatherTechRcwy in 1:36.555 during advanced R&D testing of our Model S Plaid powertrain and chassis prototype
(That’s a second faster than the record for a four-door sedan) pic.twitter.com/OriccK4KCZ
— Tesla (@Tesla) September 12, 2019
Hətta Elon Musk iki gün öncə “Ludicrous’dan daha yüksək bir şey Plaiddir” deyə tvit paylaşdı.
Ludicrous Model S və Model X’də tətbiq olunmuş və avtomobilin sürətini artırmağa yarayan bir parametridir. Bu arada Tesla hələ Plaid haqqında ətraflı məlumat verməyib.
Xatırladaq ki, Porchenin bir müddət əvvəl səhmlərini aldığı Rimac elektrik avtomobil şirkəti, saatda 411 kilometr sürətə çıxan C Two avtomobili ilə gündəmə gəlmişdi. Sıfırdan 96 km / saata 1,85 saniyəyə qalxa bilən avtomobil sürəti ilə Tesla-nın Roadster prototipini geridə qoyur. Tesla-nın, Plaid istehsalı ilə Rimac ilə rəqabətini gücləndirməyə hazırlaşdığı bəlli olur.
