Keçən ay Marsa enən InSight kosmik apparatı, Dünyaya ilk selfisini göndərib. Foto NASA mütəxəssisləri tərəfindən, apparatda quraşdırılmış kameranın göndərdiyi 11 kadr birləşdirilərək hazırlanıb. Bu fotoda, kosmik apparatı bütöv görmək olur.
InSight bu ilin 5 mayında göndərilib və yarım ildən çox yolda olub, 26 noyabrda hədəfə çatıb. Onun çəkisi 350 kiloqramdır. Marsda üç metr dərinlikdə quyu qazıb, tektonik proseslər haqqında məlumat toplamağa imkan verən unikal avadanlıqdan savayı, apparat Marsa 2,4 milyon insanın adlarını da gətirib.
Apparatın Marsda 720 gün işləyəcəyi gözlənilir.
Yeri gəlmişkən, Voyager-dən sonra Voyager-2 kosmik apparatı da Günəş siatemini tərk etdi. Bu, Günəş sistemindən kənarda, insan əli ilə düzəldilmiş ikinci süni obyektdir. Voyager layihəsi kainatın dərinliklərinə Yer və onun sakinləri barədə məlumatı çatdırmağa yönəlik layihədi. İçində Azərbaycan musiqisi də olan qızıl disk də Voyager apparatının içindədir. Bu disk 1 milyard ilə qədər salamat qalmağa hesablanıb.
Səhifəmizdə hər hansı səhv və ya qeyri-dəqiq məlumat gördükdə, həmin mətni seçib Ctrl+Enter düymələrini sıxaraq bu barədə bizə məlumat verməyinizi xahiş edirik.
