Avropa Kosmik Agentliyi (ESA) və Milli Aeronavtika və Kosmos İdarəsi (NASA) tərəfindən hazırlanan Solar Orbiter kosmik gəmisi günəşi kəşf etmək üçün 2020-ci ildə kosmosa buraxılacaq.
Günəşin bütün günəş sisteminə necə təsir etdiyini başa düşmək üçün kosmosa göndəriləcək bir müşahidə peyki olan Solar Orbiter, səyhatə çıxacağı Cape Canaveral kosmik bazasında, kosmosa yola düşməyi gözləyir.
Kosmik gəmi, ulduza 42 milyon kilometr qədər yaxınlaşaraq Günəş ətrafında elliptik bir orbiti izləyəcək və Günəşdən gələn kosmik iqlimə təsiri olan plazma balonu ilə günəş və planetimiz arasındakı əlaqəni araşdıracaq.
Avropa Kosmik Agentliyi (ESA) və Milli Aeronavtika və Kosmos İdarəsi (NASA) tərəfindən hazırlanan Solar Orbiter, missiyası müddətində çox yüksək temperatur dəyişikliyinə məruz qalacaq. Kosmik cihazın günəşə baxan hissəsi 500 dərəcəyə qədər istiliyə məruz qalacaq, arxa hissəsi isə kosmik soyuğun təsiri ilə -180 dərəcəyə qədər donacaq.
Həddindən artıq isinmənin qarşısını almaq üçün hərəkətə gətirilə bilən günəş panellərinə sahib olan kosmik gəmi, məlumatları yerə göndərmək üçün istifadə ediləcək, yüksək temperaturda işləyə bilən xüsusi ötürücü ilə də təchiz edilmişdir. Bu ötürücü, günəşin yaratdığı yüksək temperaturdan qorunmaq üçün cihazdakı istilik qalxanlarının arxasında gizlədiləcək.
2020-ci ilin fevral ayında səyahətə başlayacaq kosmik gəmi iki ildən az müddətdə hədəfinə çatmaq üçün Yer və Veneranın cazibə qüvvəsindən faydalanacaq. Solar Orbiterin təxminən beş il ərzində günəş orbitində xidmət edəcəyi gözlənilir.