SpaceX şirkətinin planetlərarası gəzintilər üçün hazırladığı nəhəng kosmik gəmisi Starship, orbitə çıxmağa hazırlaşır. Elon Musk, şirkətin uzun zamandır işlədiyi yeni Starship test raketini mətbuat konfransı ilə təqdim etdi.
Bu gəminin tezliklə tanıdılacağını, 15 sentyabr tarixində Bəşəriyyəti Marsa aparacaq gəmi adlı yazımızla xəbər vermişdik. 2019-un sonuna qədər çəkəcəyini ehtimal etsək də, bu, hətta daha tez baş verdi.
Elon Muskın 2 gün öncə təşkil etdiyi tədbirdə dünyanın bir sıra tanınmış jurnalistləri və 200-dən çox SpaceX əməkdaşı iştirak etdi. Tədbirdə Starship-in kosmik araşdırmaların gələcəyi üçün olduqca mühüm əhəmiyyət kəsb etdiyini deyən Elon Musk, nəhəng raketin gələcək illərdə növbə ilə Aya, Marsa və Günəş sistemində digər bölgələrə qruplar daşıyacağını bildirdi.
Musk gəminin 100 nəfərlik tutumu olduğunu və bununla da böyük qrupları rahatlıqla kosmik səyahətə çıxara biləcəklərini də qeyd etdi.
Elon Musk, görmüş olduğunuz Starship prototipinin sadəcə 6 ay içərisində orbitə çıxacağını söyləyir. Musk, əlavə olaraq 2020-ci ilin sonlarına doğru Starship-in kosmosa insan aparmağa hazır olacağını bildirib.
Starship’in son versiyasında altı fərqli Raptor matoru olacaq. Hazırkı prototip versiyası sadəcə üç Raptor mühərrikinə sahibdir. Elon Musk bu prototip raketin 1 ay ərzində ilk test uçuşuna çıxacağını ve bu uçuşda təqribən 20 kilometr yüksəkliyə qalxacağını və uçuşun sonunda yerə enmə vəzifəsini gerçəkləşdirəcəyini söyləyib. SpaceX bu test uçuşuyla Starship gəmisinin qalxma və enmə funksiyalarını yoxlamaq istəyir.
Starship gəmisində istifadə olunan Raptor motorları, ilk dəfə fevral ayında Starhopper adlı test raketində yoxlanmışdı. Raptor, hal-hazırda Falcon 9 və Falcon Heavy raketlərində istifadə olunan Merlin mühərriklərindən təqribən 3 dəfə güclüdür. Yenidən istifadəyə yararlı olmağa hesablanmış Raptor matorları maye metan və maye oksigenlə çalışır.
Apollo missiyalarından bəri, bəlkə də son 50 ilin ən maraqlı raketi olan Starship, Elon Muskın dediyi kimi Günəş sistemindəki hər nöqtəyə insanı aparmaq gücünə malikdir. SpaceX-in hazırkı məqsədi ilk insanları 2023-cü ildə Aya və 2025-ci ildə Marsa köçürməkdir. Şirkət Günəş sisteminin digər maraqlı nöqtələri üçün də gəmiyə tapşırıqlar verməyi planlayır.
Səhifəmizdə hər hansı səhv və ya qeyri-dəqiq məlumat gördükdə, həmin mətni seçib Ctrl+Enter düymələrini sıxaraq bu barədə bizə məlumat verməyinizi xahiş edirik.
