Planetlərarası kosmik səyahətlər üçün planlanmış SpaceX-in nəhəng gəmisi Starship ilk dəfə kosmosa çıxmağa hazırlaşır. İki gün öncə Twitter vasitəsilə raketin inkişafı ilə bağlı bəzi açıqlamalar verən Elon Musk, orbitə çıxa bilən ilk Starship test nümunəsinin tamamlandığını elan etdi. Yeni Starship prototipi yaxın aylarda ilk sınaq uçuşuna başlayacaq.
Getting ready for flight of orbit-class Starship design https://t.co/CtXtq522ia
— Elon Musk (@elonmusk) September 10, 2019
Teslarati agentliyinin məlumatına görə, yeni prototip raket ilk uçuşunda təxminən 20 kilometr yüksəkliyə çatacaq. Bu testin oktyabr ayında ediləcəyi deyilir. Daha sonra 2020-ci ildə Starship’in ilk dəfə orbitə çıxması gözlənilir. Bəşəriyyəti Marsa aparacaq Starship kosmik gəmisi, gücünü SpaceX-in yeni nəsil raket mühərriki Raptordan alır. Raptor raket mühərrikləri ilk dəfə keçən ilin fevral ayında Starhopper adlı bir sınaq raketində sınaqdan keçirilmişdir. Raptor, hazırda Falcon 9 və Falcon Heavy-da istifadə olunan Merlin mühərriklərindən təxminən üç qat daha güclüdür.
SpaceX-dən gözlənildiyi kimi təkrar istifadə edilə biləcək formada qurulmuş mühərrik gücünü maye metan və maye oksigendən alır. Daha əvvəl SpaceX Starship-in 2021-ci ilə qədər rəsmi vəzifələrə başlayacağını açıqlamışdı. Şirkət hazırda bu məqsədə çatmaq üçün çox çalışır. Bildiyimiz kimi, SpaceX insanları 2023-cü ildə Aya və 2025-ci ildə Marsa köçürməyə başlamaq istəyir. Kosmik gəmi 100 nəfər tutumuna sahibdir. Böyüklüyünə baxmayaraq Starship nisbətən aşağı qiymətlərlə istehsal edilə bilməsi, çox böyük sürətləndirmə və təkrar istifadə etmək qabiliyyəti ilə Apollo vəzifələrindən bu yana son 50 ilin ən həyəcan verici roketlərindən biri olacaq. Elon Musk’ın dediyi kimi, Starship, Günəş sistemindəki hər nöqtəyə insanlığı daşımaq gücünə malikdir.
Görək nəhəng gəminin insanları ilk dəfə Marsa aparmasına şahid ola biləcəyikmi.
