ABŞ Hərbi Dəniz Qüvvələri iki il əvvəl ortaya çıxmış UFO görüntülərini rəsmi olaraq təsdiqlədi. Videolarda görünən obyektlərin nə olduğu bilinmir, amma yadplanetlilərə aid olduğunu söyləmək də bir az iddialı olardı.
2017-ci ildə New York Times, UFO (Unindentified Flying Object/ Naməlum uçan cism) görüntüləri olduğunu iddia edən üç fərqli video yayımladı. Qəzetdə yayımlanan məqalə uzun müddət medianın gündəmində qaldı və bir çox alimdən maraqlı açıqlamalar gəldi. Videolarda gördüyümüz əsrarəngiz nəqliyyat vasitələri yerdən kilometr uzaqlıqda, hipersonik sürətlə hərəkət edirdilər, amma görünən qanadları, mühərrikləri və ya hərəkət sistemi yox idi. Tədqiqatçıların izah etməkdə çətinlik çəkdikləri bu maraqlı videolar indi ABŞ Hərbi Dəniz Qüvvələri tərəfindən rəsmi olaraq təsdiqləndi.
CNN-in dünən yaydığı xəbərə görə, ABŞ Hərbi Dəniz Qüvvələrində videolarda tam olaraq nələrin göründüyü barədə heç bir məlumat yoxdur. Mövzuyla əlaqədar CNN-ə açıqlamalar verən Dəniz Qüvvələrinin sözçüsü Joe Gradisher, hərbçilər tərəfindən çəkilən kliplərin hazırda “naməlum uçan cism” (UFO) hesab edildiyini söylədi.
Joe Gradisher mövzuyla əlaqəli olaraq “Əlbəttə, ABŞ Hərbi Dəniz Qüvvələrinin bu görüntüləri təsdiqləməsi, videolarda yadplanetliləri görməyimiz demək deyil. Cismlərin yadplanetlilər tərəfindən idarə olunduğunu və ya burada heç bir məntiqi izahat tapılmayacağını söyləmək səhv olar. Ancaq dünyanın ən güclü ordusu bu obyektlərin nə olduğunu bilmir. Donanmanın belə bir şeyi etiraf etməsi mənə görə möhtəşəm bir hadisədir” ifadəsini işlədib.
