Oktyabr ayının 18-i, saat 13.00-da Lauterpacht Beynəlxalq Hüquq Mərkəzinin Finley Kitabxanasında (Cambridge Universiteti, İngiltərə) tanınmış alim Prof. Fuad Zərbiyevin “Linqvistik rasionallıq – diskursiv öhdəlik kimi: beynəlxalq hüquqi normativliyi yenidən düşünmək” adlı mühazirəsi keçiriləcək.
Mühazirənin xülasəsi: Beynəlxalq hüququn tanınmış mənbələri və formal icbarlığı olmayan sənədlərdə təsbit olunmuş davranış normaları ilə ötürülən hüquq və öhdəliklər arasındakı fərqə əsaslanan ənənəvi normativ nəzəriyyə, sonuncuların praktik təsirini nəzərə ala bilməz. Robert Brandomun əsərlərinə əsaslanan mühazirə beynəlxalq hüququ dil rasionallığına söykənən diskursiv bir təcrübə kimi təqdim edir. Bu təcrübə iddia edir ki, praktikanın səbəb olduğu öhdəlik və imtiyazlar və onların təcrübə iştirakçılarının deontik hesabına daxil etdiyi fərqlər, müasir beynəlxalq hüquq normativliyinin daha inandırıcı təfsirini mümkün edir.
Fuad Zarbiyev – Cenevrədəki Beynəlxalq İnkişaf və Tədqiqatlar İnstitutunun beynəlxalq hüquq üzrə dosentidir. Beynəlxalq hüquq üzrə elmlər doktoru (fərqlənmə ilə), Harvard Hüquq Məktəbinin magistri və Haaqa Beynəlxalq Hüquq Akademiyasının diplomu – cənab Zərbiyevin akademik karyerasının görkəmli səhifələridir. Əvvəllər Nyu-York Universiteti Hüquq Məktəbində qlobal tədqiqatlar üzrə əməkdaş olan Fuad Zərbiyev, həmçinin Curtis, Mallet-Prevost, Colt & Mosle LLP beynəlxalq hüquq firmalarında vəkil kimi çalışmışdır. Onun tədqiqat sahələri – beynəlxalq hüquq siyasəti, beynəlxalq hüquq və təsisatların sosiologiyası, transmilli tənzimləmə prosesləri, tənqidi nəzəriyyə və beynəlxalq hüququn tətbiq olunduğu post-strukturist diskussiyanın təhlili, beynəlxalq məhkəmə davranışı, investisiya arbitrajı və müqavilə şərhləridir.
Prof. Fuad Zərbiyevin mühazirə ilə çıxış edəcəyi Lauterpacht Center-in Cümə mühazirələri seriyası, Cambridge University Press tərəfindən dəstəklənir.
