450 milyon ədəd satılan PlayStation, Guinness rekordlar kitabına daxil oldu
Sony bu günlərdə PlayStation oyun konsolunun 25 yaşını qeyd edir. İlk PlayStation konsolu, 25 il əvvəl, 3 dekabr 1994-cü ildə istifadəyə verilib. Bu xüsusi gündə Sony maraqlı bir işə imza ataraq, “tarixin ən çox satılan oyun konsolu” rekordu ilə PlayStation konsolunun Guinness rekordlar kitabına girdiyini açıqladı.
We're thrilled to be certified as the best-selling home video game console brand ever, with over 450 million units sold across the original PlayStation, PS2, PS3, and PS4 as of Nov. 7 according to @GWR.
And it's all thanks to you 💙 pic.twitter.com/maO0TOVqs2— PlayStation (@PlayStation) December 3, 2019
Sony şirkətinin verdiyi məlumata görə, PlayStation 1-4 konsolları bu günə qədər 450 milyon ədəd satıldı. PlayStation 1 (155 milyon), PlayStation 2 (102.5 milyon) və PlayStation 4 (102.8 milyon) 100 milyondan daha çox satılmışdır. 100 milyon həddini aşmayan yeganə konsol PlayStation 3 (87 milyon) oldu.
Digər uğurlu Sony konsolu olan PSP, 76 milyon ədəd satıldı. PS Vita’nın rəsmi satış rəqəmləri açıqlanmadı, ancaq Vita’nın təqribən 10 milyon satıldığı təxmin edilir. PS Vita, bəlkə də Sony’nin konsol sənayesindəki 25 illik tarixindəki yeganə böyük uğursuzluq idi. PSP ilə birlikdə Sony bu günə qədər 526 milyon oyun sistemi satdı.
Sony gələn il yeni PlayStation 5 konsolunu təqdim edəcək.
Səhifəmizdə hər hansı səhv və ya qeyri-dəqiq məlumat gördükdə, həmin mətni seçib Ctrl+Enter düymələrini sıxaraq bu barədə bizə məlumat verməyinizi xahiş edirik.
