Kalaçi kəndinin sakinləri qəfildən 7 günlük yuxuya gedirlər. Oyananda isə onlar heç bir şey xatırlamırlar.
Qazaxıstanda, Kalaçi kəndində, yerli sakinlər mütəmadi olaraq gözlənilmədən 6-7 günlük yuxuya gedirlər. Bu yuxu halları dalğalarla baş verir və ilk belə hal həkimlər tərəfindən 2013-cü ildə müşahidə edilib.
Belə uzun müddətli yuxuya gedən ilk yerli qadın 50 yaşlı sağıcı Mariya Felk olub. Bu yuxu epidemiyasına təkcə Kalaçi kəndinin sakinləri məruz qalmırlar, bəzən yaxınlarını ziyarət etmək üçün buraya gələnlərin də yuxu sarıdan “bəxti gətirir”.
Bir gün 30 yaşlı Aleksey Qom öz doğma xalasını ziyarət etməyə gəlir. Nəticədə… Bu da onun söylədkləri: “Səhər işləmək istədim, noutbuku açdım, ancaq birdən sanki, kimsə düyməmi sıxdı və məni söndürdü. Təxminən 30 saat yatdım – əvvəllər belə bir hal yaşamamışam, amma məni müayinə edən həkim məndə heç bir anormallıq aşkar etmədi».
İlk olaraq, həkimlər belə gözlənilməz yuxunun səbəbinin qəbul edilən keyfiyyətsiz spirtli içkinin olduğunu irəli sürdülər. Amma onlar bu versiyadan tez imtina etdilər, çünki yuxuya getmiş ilk altı nəfər spirtli içkiyə heç toxunmayanlar idi.
Sonra kəndə torpaqda, suda və havada müxtəlif növ çirklənmə və radiasiyanın olmasını öyrənməyə başlayan müxtəlif mütəxəssislər gəldi. Demək olar ki, 7000 nümunə alındı, ancaq onlar belə, yerli əhalidə nə baş verdiyini izah edə bilmədilər.
Rayon xəstəxanasının baş həkimi Esil Kabdraşit Almaqambetov: “Bu hal həmişə eyni baş verir – zəiflik, ləng reaksiyalar, sonra kəskin yuxuya dalma. Pasientlər oyandıqda heç bir şey xatırlamırlar.”
Həkim tibb alimlərinin bu qəribə vəziyyətin səbəbini və təbiətini izah edə bilmədiyini və gözlənilməz yuxu xəstələrinin tibbi sənədlərində onların diaqnozunu zəhərli ensefalopatiya kimi göstərdiyini etiraf edir. Amma təbii ki, bu heç də dəqiq deyil, sadəcə bir fərziyyədir.
Doğrudur, bu fenomeni özlərinə xas yolla izah etməyə çalışan alimlər var. Məsələn, Tomsk Politexnik Universitetinin Geoekologiya və Geokimya kafedrasının professoru Leonid Rixvanov insanların radiasiya səbəbindən deyil, uran mədənindən radonun buxarlanmasına görə uzun müddətli yuxuya düşdüyünü fərz edir.
Bu versiya mövcud olmaq hüququna malikdir, lakin bu fenomenin təbiəti ilə bağlı yekun nəticələr çıxarmaq hələ çox tezdir.