Bu yazıda söhbət bir tərəfdən təkamülün hətta qısa zaman kəsiyində də necə effektiv işləməsinin əyani sübutları, digər tərəfdən isə itlərin insanın gözəllik və dəb şıltaqlıqlarının qurbanları olmasından gedəcək. Belə ki, son 100 ildə bir çox it cinsi fiziki olaraq ciddi dəyişiklikliyə uğramışdır.
1. Bull Terrier
Günümzün Bull Terrierləri süni seçmədən ən çox əziyyət görmüş it cinslərindəndir. Böyümüş çənə sümükləri, iri və sayca çox dişləri güclə sığdırır. Nəticədə bu itlər həm də aqressiv olurlar və öz quyruqlarını qovalamağa meyllidirlər.
2. Alman Ovçarkası
Şəkildən də göründüyü kimi müasir ovçarka arxa ətraflarının qısalığı səbəbindən, bu orqanları ilə problem yaşamaqdadır.
3. Pug (Mops)
Mops, ona duyulan yüksək tələbat nəticəsində ciddi genetik modifikasiyaya uğrayıb. Bu cinsin müasir populyasiyası xüsusilə ürək-damar sistemi problemləri yaşamaqdadır.
4. Bokser
Bu günün Bokserləri bütün itlər arasında ən çox xərçəng xəstəliyinə düçar olan cinslərdən biridir. Onların həmçinin bədən temperaturunu tənzimləmə problemi də mövcuddur. Bokserlər xüsusən ətraf mühit temperaturunun yüksəlməsinə çox həssasdırlar. Çox isti havada bu itlər ölürlər.
5. Saluki
Müasir Salukilərin skelet quruluşu xeyli təkmilləşsə də bu ürək-damar problemlərinin artması iə müşayət olunur.
6. Dachshund (Taksa)
Bu şəkillər estetizmin dəhşətli tərəfinin rəmzi də ola bilər. Qıraqdan yiyəsinin yanınca yeriyən taksa gülməli görünsə də onlar, əslində əziyyət çəikirlər. Seleksiya nəticəsində sıxılıb uzadılmış taksaların onurğa problemləri riski digər cinslərdən daha çoxdu.
7. Bəyaz Terrier
Bir zamanlar çox funksional idman itləri olan Bəyaz Terrierlər bu gün yanlış cinsalmadan əziyyət çəkirlər.
8. Saqqallı Kolli
İndi aydın olur ki, saqqallı kolli də uğursuz seleksiya qurbanıdır. Belə ki, genetik səhvlər nəticəsində bu cinsin fərdləri allergiyalara çox meyllidirlər.
9. Saint Bernard
Senbernarlar da gözəl görünüşə qurban gediblər. Onların müasir populyasiyaları seleksiya nəticəsində sifətlərinin yastılanmasının səbəb olduğu tənəffüs problemlərindən əziyyət çəkirlər.
Səhifəmizdə hər hansı səhv və ya qeyri-dəqiq məlumat gördükdə, həmin mətni seçib Ctrl+Enter düymələrini sıxaraq bu barədə bizə məlumat verməyinizi xahiş edirik.
