NASA alimləri, Saturnun halqalarını itirdiyini təsdiqləyiblər. Halqalar bundan sonra təxminən 100 milyon il daha yaşayacaqlar. Buna səbəb, planetin cazibə qüvvəsi və maqnit sahəsidir. Bu haqda, Science Daily xəbər verir.
Alimlərin fikrincə, buz hissəcikləri yağışı maqnit sahəsinin təsiri ilə, 300 milyon il sonra halqalar sisteminin yoxolmasına gətirib çıxaracaq. Lakin cazibə qüvvəsi, planetin ekvator bölgəsinə materialların düşməsinə səbəb olduğu üçün, halqaların ömrü 200 milyon il daha azalacaq.
Halqalar, Saturnu əhatə edən qaya, toz və buz hissəciklərindən ibarətdir. Bu kütlə, qaz nəhənginin cazibəsi və orbit sürət sayəsində müvazinətini saxlaya bilir. Lakin bu tarazlıq, Günəşin ultrabənövşəi şüalarının təsiri ilə pozulur, həmçinin mikrometeoritlərlə toqquşma nəticəsində hissəciklər elektriklə yüklənir. Planetin maqnit sahəsi onlara təsir etməyə başlayır və hissəciklər atmosferə cəlb olunaraq, onun qatlarında buxarlanırlar. Hidrogen ionları meydana çıxınca, buxarda kimyəvi reaksiyalar başlayır, infraqırmızı şüalar saçılır və bu fenomeni, Yerdən teleskopla müşahidə etmək olur.
İnfraqırmızı şüalar üzrə tədqiqatçılar Saturna düşən materialın miqdarını təyin ediblər. Dörd milyard il yaşı olan Saturnun halqaları, əslində çox cavandırlar – onların cəmi 100 milyon il yaşı var. Bizim bu gün C halqası kimi tanıdığımız halqanın yaranması üçün, 100 milyon il tələb olunur. Ondan əvvəl isə, halqanın kütləsi, bizə bu gün B halqası kimi məlum olan halqanın kütləsinə bərabər olub. Alimlərin fikrincə, Yupiter, Uran və Neptunun nazik halqaları, əvvəllər Saturnun halqalar sistemi kimi nəhəng olublar.
Lenta.ru
