Konseptual sənətçi ÇİNGİZ tərəfindən 2017-ci ildə hazırlanmış “Rəqs edən şeytanlar” xalçasını diqqətinizə təqdim edirik.
Ümumi məlumat:
Xalçanın adı: “Rəqs edən şeytanlar”
Müəllif: ÇİNGİZ
Kod: XDD005
Ölçüsü: 113x220cm
Ümumi səthi: 2.48 m2
Sıxlıq: 50 (h) x 50(v) 1 dm2-də, 250 000 ilmə 1m2-də, toplam ~620 000 ilmə
Rənglər: şam yaşılı, zümrüdü, yaşıl, qırmızı, açıq qırmızı, açıq turuncu, tünd qəhvəyi, qəhvəyi, açıq qəhvəyi, sarı, xardal, ağ
Boyaqlar: Boyaq otu (Rubia Tinctorum), südləyən çiçəyi (Reseda Luteola), indigo, nar qabığı, qoz qabığı, soğan qabığı, boyanmamış qara qoyun yunu, boyanmamış ağ qoyun yunu
Materiallar: xov-yun, arğac-pambıq, əriş-pambıq
İlmələr: Türk, simmetrik
Xovun hündürlüyü: 0.3-0.4 cm
Saçaqlar: düyünlənmiş
Toxuyan: Könül
Toxunma müddəti: 3 ay
Azərbaycanda əl ilə toxunub
Paradoksal həqiqət ondan ibarətdir ki, insan həm özünün yaratdığı, eyni zamanda dünyanı idərə edən sistemin ayrılmaz bir hissəsidir. İnsan eyni zamanda sistemlə həm bağlıdır, həm də yox. Onun yaratdığı və dəstəklədiyi sistem onun əleyhinə işləsə belə insan, həyatını sürməyə davam edir.
Təqdim olunan xalçanın ara sahəsində həmin sistem kişi və qadın şeytanların obrazlarında təsvir olunub. Müxtəlif rənglərdə ritmik şəkildə təkrar olunan bu obrazların arasında açıq rəngli iki başlı bir şeytan obrazı (Ağ Şeytan) var. Bu obraz həmin sistemin silkələnib dəyişməsinə cəhd göstərən bir element kimi təsvir olunub. Həmin Ağ Şeytan qaranlıq sistemdə işıqlı bir güc rəmzi kimi təsvir olunub və başqa bir şeytanı itələyib çıxardaraq özünü azad etmək istəyir.
Xalçanın haşiyəsində əsrlər boyu sistem ənənələri ilə üzləşən adi insan həyatı təsvir olunub. Buradakı sadə insanlar özlərinin gündəlik həyatlarına davam edir və ləyaqətli həyat sürmək üçün vasitələr axtarır.
