Azərbaycan Memarlar İttifaqının sədr müavini Elçin Əliyevin polis bölməsində üzləşdiyi qanunsuzluqlarla bağlı məsələni daxili işlər naziri Vilayət Eyvazov nəzarətə götürüb.
Nazirliyin mətbuat xidmətinin rəhbəri, polis polkovniki Ehsan Zahidov Criminal.az saytına açıqlamasında bildirib ki, nazirin tapşırığı ilə DİN tərəfindən Elçin Əliyevlə əlaqə saxlanılıb. Ondan bölmənin əməkdaşları adından üzr istənilib. Nazirliyin rəhbərliyinin göstərişi ilə aidiyyatlı qurumlar tərəfindən xidməti araşdırmalara başlanılıb. Nazirlik rəsmisinin sözlərinə görə, araşdırmaların nəticəsindən asılı olaraq müvafiq qəraralar veriləcək.
Memar Elçin Əliyevin yazdıqlarından belə aydın olur ki, fevralın 6-da səhər tezdən övladını məktəbə aparıb, boş zamanı olduğundan Bayıl qəsəbəsində, Qurban Abbasovun adını daşıyan küçədə yerləşən Stalin dövrü memarlığının mücəssiməsi olan binaların fotolarını çəkməyi qərarlaşdırıb. Bundan sonra polis bölməsinə aparılıb və kobudluqla üzləşib.
Səhifəmizdə hər hansı səhv və ya qeyri-dəqiq məlumat gördükdə, həmin mətni seçib Ctrl+Enter düymələrini sıxaraq bu barədə bizə məlumat verməyinizi xahiş edirik.
