Böyük Britaniya və CAR-dan olan alimlərin gəldiyi nəticəyə görə, antroposenin ən bariz əlaməti broyler toyuqlarıdır. Böyük Britaniya və CAR-dan olan alimlərin gəldiyi nəticəyə görə, antroposenin ən bariz əlaməti broyler toyuqlarıdır. Bu haqda Phys.org xəbər verir.
Antroposen, XX əsrin 40-50-ci illərində başlayan və insan aktivliyinin biosferaya təsirinin pik həddə çatdığı geoloji dövrün qeyri-rəsmi adıdır. Bu dövr, iqlim dəyişikliyi, bir çox canlı növlərinin yoxolması, həmçinin ətraf mühitin sintetik maddələrlə kirlənməsi ilə səciyyələnir. Lakin, tədqiqatçılar hesab edirlər ki, antroposenin əsas göstəricisi broyler toyuqlarının çoxalması, sayılarının bu gün 23 milyarda çatmasıdır.
Beləliklə, broyler toyuqlarının ümumi həcmi, qalan bütün quşların həcmindən artıqdır və nəzərə alınmalıdır ki, bu toyuqlar vəhşi təbiətdə yaşaya, çoxala bilmirlər. Bundan əlavə, broyler toyuğu çox yaşamır, çünki ətli hissələri ifrat böyüyür və nəticədə insana qida olur. Sümüklər isə, əsasən oksigensiz zibilliklərdə utilizasiya edildiyindən, onların gələcəkdə daşlaşması labüddür.
Alimlər hesab edir ki, əgər müasir sivilizasiya hansısa qlobal kataklizm, nüvə müharibəsi və ya iqlim dəyişikliyi nəticəsində yox olsa, uzaq gələcəyin arxeoloqları geoloji araşdırmalarda, bizim dövrə aid fantastik sayda toyuq sümüyü tapacaqlar. Başqa xarakterik əlamət isə, plastik və radiasiya kirliliyi olacaqdır.