Rotavirus vaksini uşaqları birinci tip şəkərli diabetdən qoruya bilər.
Rotavirus, körpələrdə kəskin ishalın əsas səbəblərindən biridir. Bu virusa qarşı vaksinlər Avstraliyada 2007-ci ildən bəri uşaqların erkən vaksinasiya paketinə əlavə edilib.
Melburn Universitetindən olan Kristen Perrett öz həmkarları ilə birgə rotavirus vaksininin tətbiqindən 8 il əvvəl və 8 il sonrakı müddətdə statistika nəticələrini incələyərək müəyyən edib ki, 0-4 yaş qrupu arasında vaksin tətbiq olunan 8 il ərizində birinci tip diabet halları 14% az qeydə alınıb. Amma 5-14 yaş qrupunda olan uşaqlarda bu rəqəm eyni qalıb.
Perrett-ə görə bu onunla bağlı ola bilər ki, 5 yaşdan kiçik uşaqlar rotavirus vaksininin tətbiqindən sonra doğulduqları üçün, onlar bu peyvəndi hələ virus bədənə düşməmiş alıblar. Ona görə də immun sistemi artıq orqanizmi rotavirusdan müdafiə etməyə hazır olub.
Rotavirus, funksiyalarından biri də insulin ifraz etmək olan mədəaltı vəz hüceyrələrini sıradan çıxarır. Rotavirus vaksini bu prossesin qarşısını alır.
Hal-hazırda Perrett birinci tip şəkərli diabet zamanı mədəaltı vəzin ölçülərinin kiçilməsinin səbəblərini araşdırır.
