Hollandiyanın Venesiyası adlandırılan Giethoorn şəhərində təqribən 300 nəfər yaşasa da il ərzində minlərlə turist bura baş çəkir.
1958-ci ildə hollandiyalı rejissor Bert Haanstra “Fanfare” adlı komediya filmini burada çəkir və beləliklə bu kiçik şəhər böyük şöhrət qazanır. Şəhərin ən maraqlı və gözəl tərəfi orada maşın yolunun olmamağıdır. Şəhər sakinləri yalnız kanallarda qayıqla və ya cığırlarda velosipedlə hərəkət edirlər.
Kanalların ətrafındakı rəngarənglik, köhnə lakin zövqlə tikilmiş evlər, sağ və sol sahilləri birləşdirən onlarla körpü insanı valeh edir. Bu kiçik şəhərdə kanallarla yanaşı bir neçə göl də var. Turistlər şəhərin girişində qayıq kiralayıb kanal boyu bütün şəhəri gəzib sonda tərtəmiz göllə qarşılaşırlar. Şəhərdə turistlər üçün nəzərdə tutulmuş kafe, restoran, suvenir mağazaları və bir neçə muzey də mövcuddur.
Fotolar: Bəyim Həsənli
Səhifəmizdə hər hansı səhv və ya qeyri-dəqiq məlumat gördükdə, həmin mətni seçib Ctrl+Enter düymələrini sıxaraq bu barədə bizə məlumat verməyinizi xahiş edirik.
