“Doğrudanmı sərt alkoqol yağlı qidaları həzm etməyə kömək edir? Görünür, ehtimal edilən müsbət təsir, sadəcə platsebo effektidir”, – Der Spiegel jurnalisti İren Berres yazır.
“İsveçrə alimlərinin 2010-cu ildə keçirdiyi kiçik bir eksperiment çərçivəsində 20 nəfərə bol fondü pendiri ilə nahar etmək təklif edilib, – jurnalist yazır. – 32% yağlılığı olan bu qida həzm sistemi üçün əsl sınağa çevrilib. İştirakçıların bir qisminə ancaq qara çay, bir hissəsinə isə yarım şüşə (300 qram) şərab içməyə icazə verilib. Eyni zamanda, qrupda sadəcə su və daha sərt alkoqol içənlər də olub”.
“Eksperiment iştirakçıları arasında ən sərt alkoqol içənlərin mədəsi yağlı qidanı daha pis həzm edib. Amma təkcə şərab mədənin daha ləng boşalmasına səbəb olub”, – məqalədə belə deyilir.
“Əslində, mədə tək bir böyük əzələdir ki, pompa kimi, yeməyi bağırsaqlara tərəf ötürür”, – Vuppertaldakı qastroenteroloji klinikanın direktoru Kristian Prins iddia edir. “Onun sözlərinə görə, görünür, alkoqol mədəni işləməyə vadar edən sinirləri blok edir.
Həkimin sözlərinə görə, şerri, portveyn, pilsen pivələri və proseko şərablarının bəzi növlərində mədənin selikli qışasının müəyyən hüceyrələrini turşuluq ifraz etməsinə səbəb olacaq acı maddələr var. Nəticədə, bu həzmi asanlaşdırır, amma bu effektin alkoqolla heç bir əlaqəsi yoxdur. Onun sözlərinə görə, acı maddədən söhbət gedirsə, espresso qəhvəsi də eyni təsiri göstərir”, – Berres yazır.
“Bundan əlavə, hər kəs öz orqanizminin normasını bilməlidir. Prinsin sözlərinə görə, sağlam qadının qaraciyəri 30 qram, sağlam kişi qaraciyəri isə daha çox, 50 qram alkoqola tab gətirə bilər. 330 qram pivədə 13, 200 qram şərabda 16, 100 qram şerridə, həmçinin, 16 qram, 20 qram viskidə isə cəmi 7 qram alkoqol var”.
“Araşdırmalardan biri isə göstərib ki, tez həzm üçün ən yaxşı vasitə, yeməkdən sonra yavaş gəzməkdir”, – Der Spiegel yazır.
Səhifəmizdə hər hansı səhv və ya qeyri-dəqiq məlumat gördükdə, həmin mətni seçib Ctrl+Enter düymələrini sıxaraq bu barədə bizə məlumat verməyinizi xahiş edirik.
