Absurd səslənsə də, bu fikir son zamanlarda meydana gəlmiş fikir deyil. Bəzi qaynaqlara görə, 18-ci əsrdə belə, kifayət qədər populyar olmuş bu fikrin dəstəkçilərindən biri Benjamin Franklin olub. Belə ki, 1773-cü ildə o dövrün “ölümsüzlük” araşdırmalarını aparan alim Jacques Dubourg-a yazılan məktubda belə deyilir: “Kaş ki, insanları dondurub gələcəkdə oyandıra biləcəyimiz elmi metod mümkün olsaydı. Bunun sayəsində Amerikanın 100 il sonrasını bir günlüyünə görə bilməyi və ardından ölməyi normal ölümə dəyişərdim.”
1962-ci ildən Robert Ettinger tərəfindən yenidən gündəmə gətirilən krionika (cryonics) layihəsi, ölən insanların dondurularaq illər sonra tibbin inkişafı sayəsində, bir çox xəstəliklərin müalicə olunacağı zamanda təzədən oyandırılmağını hədəfləyən proqramdır. Hazırda 230 cansız bədən metal silindrlər içərisində -196 C dərəcədə nə vaxtsa oyandırılacağı günü gözləyir. Dunyanın dondurulan ilk insanı James Bedforddur. 1965-ci ildə Life Extension Society adında bir qurum, eksperimenti qəbul edəcək ilk adamı heç bir məbləğ almadan donduracağını açıqlayır və 74 yaşlı böyrək xərçəngindən əziyyət çəkən Amerikalı psixoloq James Bedford, bəxtini sınayaraq, tarixin donduralacaq ilk insanı olmağı bacarır.
1979-cu ildə meydana gələn izolyasiya problemi ilə dondurulan insanların çürüməyə başladığı və proqramda bəzi xətaların olduğu sübut edilmişdir. Bedfordun bədəni qurtarılsa da, o dövrün istifadə edilən metodları günümüzdə tətbiq olunan metodlara görə bir o qədər təsirli olmadığından, Bedfordun bir gün yenidən oyanıb sağlam həyata qaytarılma şansı demək olar ki, yoxdur.
Əgər siz də bədəninizi gələcək əsrlərə qədər qoruyub saxlamaq istəsəniz, bunun üçün hesabınızda minimum 70,000.000 dollarınız olmalıdır. Standart proqrama yüksək keyfiyyətdə saxlanma, sinir hüceyrələrinin qorunması və “yatmaq” üçün baza daxildir.
Daha sonra şirkətlə bağlayacağınız müqavilədə bütöv bədənin, yoxsa sadəcə başın kəsilib saxlanmasını seçirsiniz. Növbəti mərhələdə sizi sığortalayırlar və ölənədək bunun üçün müəyyən bir məbləğ ödəməli olursunuz. Eyni zamanda, sizə daxil olduğunuz proqram çərçivəsində məlumatlarınızı daşıyan bilərzik və ya boyunbağı verilir ki, öldükdən sonra bu məlumatlara əsasən lazımi yerlərə müraciət edə biləsiniz. Ölən şəxs lazımi yerə çatdırıldıqdan sonra buz qəlibləri ilə soyudularaq döş qəfəsi açılır və bədəndəki qan çəkilir, yerinə isə gliserol inyeksiya edilərək bədən temperaturunun -50 dərəcəyə düşməsi təmin olunur, ardından isə maye azot dolu metal silindrik tanklarda -196 dərəcədə saxlanılır.
