Məşhur rəssam, ixtiraçı və fikir adamı Leonardo da Vinçinin rəqəmsallaşdırılmış əlyazmalarına açıq giriş verilib. Əvvəllər bu əlyazmalara yalnız alimlərin çıxışı vardı.
Londonun Viktoriya və Albert muzeyinin veb səhifəsində da Vinçinin eskizləri, planları, ideyaları, konseptləri və qeydləri əks olunmuş əlyazmaları əks olunmuş yüksək keyfiyyətli təsvirlərlə tanış olmaq mümkündür.
Leonardo öz fikirlərini 1480-ci illərin ortalarından başlayaraq, Milan hersoqunun hərbi və hərbi-dəniz mühəndisi vəzifəsində işə başladığı vaxtlardan qeydə almağa başlayıb. Da Vinçidən əvvəl, onun dövründə və ondan sonra gələn fikir adamlarından heç biri kağızı onun kimi məhsuldar istifadə etməyib. O, bir səhifəyə ağlasığmaz çeşiddə ideyalar və konsepsiyalar sığdıra bilirdi.
Onun qeyd kitabçaları kodekstlər adlanır: Codex Forster 1, Codex Forster 2 и Codex Forster 3. Birinci kodeksdə hidrotexnika barədə qeydlər və bərk cismlərin ölçülməsi barədə traktat var.
İkinci kodeks, bir-biri ilə əlaqəli iki bloknotdan ibarətdir. Onlardan birində nisbətlər nəzəriyyəsi barədə qeydlər, eskizlər və təsvirlər, digərində isə müxtəlif tərəzi sxemləri, boya reseptləri və dəbilqə konsepsiyaları təsvir olunub.
Üçüncü kodeksdə isə həndəsi sxemlərdən tutmuş, hidravlika, memarlıq, insan və heyvan anatomiyasına kimi hər şey var.
Hələ keçən il internetdə Leonardo da Vinçinin görmək istədiyi işlərin siyahısı yayılmışdı. Bu işlər arasında Milanın sahəsinin ölçülməsi, Günəşin ölçüsünün müəyyən olunması, hansısa rahiblə söhbət etmək kimi qeydlər yer almışdı.
