19 apreldə 2-ci sezonu da bitəcək olan #krishashow hər axşam Bakı saatı ilə 22:00-da twitch online platformasında efirdə olur. Twitch 10 ildən artıqdır istifadəçilərinə canlı yayım imkanı verən sosial şəbəkələrdən biridir. Xüsusilə gamerlərin üstünlük təşkil etdiyi bu platformda hər bir kəs istədiyi mövzuda canlı yayım edə bilər. Twitch ölkəmizdə yayğın olmadığı üçün azərbaycanlı userlər də platformada azlıq təşkil edir. Bu mənada #Krishashow-un hazırda bir ilkə imza atdığını deyə bilərik.
Ortalama 3 saat davam edən verliş vaxtı aztwitterdə və dünyada yaşanan maraqlı mövzular barədə müzakirələr açılır və vaxtın böyük hissəsi gülməklə keçir. Efirə müxtəlif peşələrdən olan mütəxəssislər qoşulur və ortalıq bir az da qarışır (bunlar arasında təşəbbüskar, sənətçi, psixoloq, astroloq, stilistlər və s. var) ki, bu da underground sənətçilərin pulsuz reklamını mümkün edir.
Yayım vaxtı canlı giveawaylər keçirilir və izləyicilər prosesdən tam bəhrələnə bilir. Giveaway deyəndə təbii ki “gir instagramdakı 100 səhifinə like et”-dən danışmırıq. Hətta verlişlərin birində dostlarımızdan biri öz pivə zavodundan #krishashow subscribləri üçün 15 litrlik pivə qonaqlığı sözü verdi. Bu da bir-birini tanımayan #krishashow izləyicilərinin sosiallaşması və əyləncəli vaxt keçirməsi üçün fürsətlərdən biridir. Birinci sezonda çempionat şəklində flirt battle-lar keçirilirdi və sonda bir qalib seçildi. Hər battle-ın qalibinə ananas.az saytından hədiyyə göndərildi. Bütün bu sosial fəaliyyət #krishashow-un «saman altından» verdiyi xidmətlərdən biridir. Medalın obiri üzündə isə xeyriyyə qurumlarının bu verliş vasitəsilə insanlara daha əlçatan olması durur. Artıq bir neçə futbol komandasının fan clubları #krishashow-da öz xeyriyyə aksiyalarını keçirirlər.
Proqramın rəsmi partnyorları olan ananas.az və azlogos.eu bu verilişlə bağlı bütün təşəbbüslərə tam dəstək verirlər. Prosesin ərsəyə gəlməsində əməyi olan şəxslər Orxan Ata, Orqal Tan, Ayxan Tan, Xpert, Miranda, Kunka, Kral və izləyicilərdir. Yekunda deyim ki, #krishashow bənövşəyi rəngə üstünlük versə də, göy qurşağından daha rəngarəngdir. Krishanızdan muğayat olun!
Təhmasib Əşrəf
Sənətçi, ABŞ
