Əziz dostlar, bu gün, 23 Avqust Cəbrayıl və Füzuli rayonlarının Ermənistan hərbi qüvvələri tərəfindən işğalı günüdür. Artıq bu işğaldan 27 il keçir. Sizin üçün hazırladığım fotosessiyada siz işğal altında olan bu rayonların bəzi kəndlərini, dağıdılmış evləri, işğal altında olan bölgələrimizdə qurulmuş erməni hərbi hissələrini və eləcə də “Xüdafərin körpüsü”nü görə bilərsiniz.
Bu fotoları çəkmək üçün mən 2011-ci ildə Arazın İran tərəfindən Biləsuvar-Naxçıvan istiqamətində hərəkət etmişdim. Fotoların bir çoxu texniki olaraq keyfiyyətsizdir. Səbəb fotoların maşının hərəkətdə olduğu zaman çəkilməsidir. Çünki, dayanmaq diqqətləri üzərimizə çəkərdi. Bu, arzuolunmaz nəticələrə gətirib çıxarardı…
Heç unutmuram, naxçıvanlı olan sürücü həmin səfər vaxtı belə demişdi: “Bir zamanlar biz qatarla gedəndə bu tərəflərə həsrətlə baxardıq, indi isə bu tərəfdən o tərəfə həsrətlə baxırıq.”
