Bu gun, iyulun 5-i saat 19:00-da Ü.Hacıbəyli adına Azərbaycan Dövlət Simfonik Orkestri mövsümü çox maraqlı proqramla başa vuracaq.
Proqramda L.Beethoven’in “Koriolan” üvertürası, fin bəstəkarı Jan Sibelius’un violin və orkestra üçün konserti, həmçinin ötən il dünyasını dəyişmiş X.Mirzəzadə’nin “63-ün oçerkləri” əsərləri ilə bərabər XX əsr klassik musiqisinin incilərindən olan M.Ravel’in “La Valse” əsəri də səslənəcək.
Orkestrin pultu arxasında gənc dirijor, Moskva Dövlət Konservatoriyasının məzunu, Beynəlxalq Müsabiqələr Laureatı Orxan Həşimov duracaq.
