Bioloji olaraq qadın təbiət üçün kişidən qat-qat üstün cinsdir. Belə ki, növümüzün nəslinin davamı üçün açar, məhz qadındır. Kişi isə bu prosesdə çox cüzi iştirak edir. Ona görə də daha dəyərsizdir. Ona görə də təbiət eksperimentlərini əsasən kişilər üzərində qoyur. İlk mutasiyalar kişilərdə baş verir, mühitə uyğun olursa qalır, olmursa məhv olan daha faydasız kişi fərdlər olur. Kişilərin əzəldən daha riskli işlərə meyli də bununla bağlıdır. Mamontu əlbəttə ki, kişi ovlamalıdır, savaşa da o getməlidir. Çünki kişinin ölümü təbiət üçün o qədər də böyük problem deyil. Maraqlıdır ki, kişinin təbiət üçün əhəmiyyətsizliyi (qadınla müqayisədə) və ölməsinin, yox olmasının heç də böyük bir itki olmaması zamanla kişilərin “üstünlüyü” kimi yozulmağa başlayıb (kültür). “Mamont ovlayıram, güclüyəm, deməli üstünəm”. Halbuki fiziki güclüsən, çünki əhəmiyyətsizsən.
Ümumiyyətlə Y xromosomunun deqradasiyası gedir. Ola bilsin ki, bir müddətdən sonra kişilər ümumiyyətlə cins olaraq aradan çıxsınlar. Təbiətdə yalnız qadın fərdlərlə çoxalma halları kifayət qədər çox yayılıb.
