Dizayn, memarın ağlından başlayan bir düşüncə prosesidir. Memar bu prosesi yalnız rəsm alətləri ilə vizual hala gətirir. Rəsm alətləri və texnologiyalar dizaynerə məhsulunu reallığa çevirmək üçün vasitəçilik edir. Keçmişdən bu günə qədər istifadə olunan ənənəvi rəsm alətlərinə alternativ olan kompüter dəstəkli rəsm alətləri memara yeni imkanlar təqdim edir. Bu yeni imkanlar dizayn prosesində olduqca təsiredicidir. Dizayn probleminin həllində kompüterlərdən səmərəli istifadə 1970-ci illərə təsadüf edir. Lakin dizayn mərhələsində kompüterin istifadəsi mübahisələrə səbəb oldu. Bu müzakirələr nəticəsində iki fərqli ifadə ənənəvi rəsm alətləri və kompüter dəstəkli rəsm alətləri olaraq ortaya çıxdı. Landşaft memarlığında, son 25 ildə həm təhsildə, həm də iş sahəsində kompüter istifadəsi əhəmiyyətli bir yerə sahibdir. Bu işdə ənənəvi və kompüter dəstəkli rəsm alətlərinin şagird layihələrinə təsiri araşdırılmışdır. Texnologiya və dizayndakı dəyişikliklərlə birlikdə rəsm alətlərinin istifadəsi də dəyişdi və təkmilləşdi. Əvvəllər yalnız ənənəvi rəsm alətlərindən istifadə olunurdusa, bu gün kompüterin köməyi ilə rəsm alətlərindən istifadə edərək dizayn probleminin həllində müsbət dəyişikliklər müşahidə olunur.
Bu yazımızda landşaft memarlarının cizdiyi və icra etdiyi layihələrin detal cizimlərini incələyə, onlardan ilham ala bilərsiniz. Təbii ki, bu cizimlər yalnız memarlar və mühəndislər üçün maraqlı olacaqdır. Bizim auditoriyamız da məhz onlardır.
Landşaft Memarlığı, dəyişən iqlim şəraiti ilə əlaqəli bütün müvəqqəti komponentlərlə işləyir; ekoloji səmərəlilik, materialların seçilməsi və istifadəsi və onlara qulluq və s. Landşaftdakı müdaxilələrin izahı, miqyasından asılı olmayaraq, konteksti göstərən makro çərçivələrdən tutmuş konstruktiv detalları göstərən xüsusi parçalanmalara qədər olan cizimlər tələb edir. Bu cizimlər yüksək dəqiqliklə işlənilir və onun keyfiyyətindən asılı olaraq icra layihəsi inşa olunur. Dolayısı ilə detal cizimləri icranın keyfiyyətinə birbaşa bağlıdır.
