Dünən Ermənistan Müdafiə Nazirliyinin mətbuat xidməti “Berdzor yaxınlığında məhv edilmiş Azərbaycan dəstəsi” başlığı altında kvadrokopterlə çəkilmiş bir video paylaşıb. Ermənilərin Berdzor adlandırdıqları yer Azərbaycanın Laçın şəhəridir.
Kadrlarda meşə massivində ciddi zədə aldığı görünməyən beş zirehli maşın, yol kənarında aşmış bir MRAP, qabaqda yanmış T-72 tankı göstərilir. Mərmi zərbəsindən top qülləsi uçmuş və yanmış T-72 tankı. Həmçinin kadrlarda meşəlik sahədəki yolda yanıb sönmək üzrə olan yük maşını var. Növbəti kadrlarda isə tərk edilmiş üç BMP-2 görmək mümkündür.
Mənzərəni tam anlamaqdan ötrü biz videoda həmin sahənin geolokasiyasını peyk xəritələrində tapmağa imkan verən oriyentirlər axtarmağa başladıq.
Oriyentir rolunu aşmış MRAP və vurulmuş T-72-nin olduğu yol oynadı.
Həmin bölgənin koordinatları belədir: 39°33’23″N 46°39’20″E
Sözügedən ərazi Laçın rayonunun Aşağı Fərəcan kəndindən şimalda yerləşir. Çox güman ki, Azərbaycan hərbi qüvvələrinə aid dəstə çətin ərazidə pusquya düşüb və yaxınlıqdakı yüksəkliklərdə yerləşən erməni dəstələri tərəfindən tank əleyhinə raket kompleksi vasitəsilə hücuma məruz qalıb.
Meşə massivində yolun hündürlükdən görünən hissəsində yük maşını vurulub. Amma bu, operatorun görmə sahəsindən kənarda qalan digər maşınların da vurulduğu deməkdirmi? Yox!
Videonun paylaşıldığı saatlarda erməni tərəfi sözügedən əraziyə girməyə nail olmadığına görə heç bir məhvetmədən də söz gedə bilməz.
Hücum nəticəsində digər dəstələrdən irəliyə keçmiş BMP-2-nin heyətindəki bir neçə əsgər şəhid olub, bir neçə döyüşçü yaralanıb.
Qonşularımızın bu xəbəri necə təqdim etməsindən asılı olmayaraq, bilin ki, sözügedən ərazi dünəndən etibarən bütünlüklə Azərbaycan Respublikası hərbi qüvvələrinin nəzarəti altına keçib.
Biz döyüş əməliyyatlarının gedişatında öz itkilərimizi də eyforiyaya qapılmadan analiz edirik və məlumat veririk.
