TeamViewer Avropanın son 20 ildə ən böyük kütləvi hissə satışına hazırlaşır!
Onlayn görüşlər və uzaqdan nəzarət (remote control) və dəstək üçün proqram satan TeamViewer, sentyabrın 25-də Frankfurt Birjasında hissə satışının açıq olacağını elan etdi.
Almaniyada fəaliyyət göstərən bir proqram şirkəti olan TeamViewer, son 20 ildə Avropada ən böyük kütləvi hissə satışını reallaşdırmağa hazırlaşır. Onlayn görüşlər və uzaq masaüstünə giriş üçün proqram satan TeamViewer, sentyabrın 25-də Frankfurt Birjasında açıq hissə satışı olacağını elan etdi.
TeamViewer-in paylaşdığı məlumata görə, xalqa açıq satışdan sonra şirkətin qiymətləndirməsinin 4,7 ilə 5,5 milyard avro arasında olacağı gözlənilir. Ümumilikdə 84 milyon səhm satmağı planlaşdıran TeamViewer, hər səhm üçün 23.50 ilə 27.50 avro arasında qiymət tələb edəcək.
Kütləvi satışlara çıxan digər şirkətlərdən fərqli olaraq TeamViewer gəliri artmaqda olan bir şirkətdir. TeamViewer, kütləvi satışdan 1.41 milyard avrodan 2.31 milyard avroya qədər bir gəlir götürməyi hədəfləyir. Əlbəttə, gəlir satılan səhmlərin sayından və səhmlərin satış qiymətindən asılı olaraq dəyişə bilər.
Onu da əlavə edək ki, TeamViewer Permira şirkəti tərəfindən 2014-cü ildə 870 milyon avroya alınmışdı. Permira’nın Alman prezidenti Joerg Rockenhaeuser, xalqa açıq satışdan sonra investorların əsas səhmdar olaraq qalmaq istədiklərini də dilə gətirdi.
Səhifəmizdə hər hansı səhv və ya qeyri-dəqiq məlumat gördükdə, həmin mətni seçib Ctrl+Enter düymələrini sıxaraq bu barədə bizə məlumat verməyinizi xahiş edirik.
