Beynəlxalq alimlər qrupu, Albert Einsteinin ümumi nisbilik nəzəriyyəsi çərçivəsində öncəgördüyü qırmızı qravitasiya sürüşməsinin olduğunu təsdiq ediblər. Bunun üçün fiziklər 2014-cü ildə əyri, elliptik orbitə göndərilən GSAT-0201 və GSAT-0202 peyklərinin ötürdüyü məlumatlardan istifadə ediblər. Bu haqda Science News xəbər verir.
Qırmızı qravitasiya sürüşməsi adlanan effekt, güclü cazibəyə malik massiv obyektlərdən uzaqlaşan işığın, spektrin qırmızı bölgəsinə meyl etməsi ilə yaranır. Bundan əlavə, obyektə yaxınlaşdıqca istənilən proses ləngiyir, bu da zamanın qravitasiyalı yavaşlaması adlanır.
GSAT-0201 və GSAT-0202 peykləri Galileo Avropa Peyk naviqasiya sisteminin testdən keçirilməsi üçün nəzərdə tutulsalar da, göndərişdə yaranan kəsinti apparatların dairəvi yox, uzununa hərəkət etməsinə səbəb oldu. Peyklərin göyərtələrində, atom saatlarının bir növü olan hidrogen generatorlar, ciddi tezlikdə elektromaqnit dalğaları buraxırlar. Bu, alimlərə, zamanın qravitasiyalı yavaşlamasını ölçmək imkanı yaradır, belə ki, apparatlar Dünyanın ətrafında fırlandıqca ondan gah uzaqlaşır, gah da 8,5 kilometrə qədər yaxınlaşırlar.
Nəticələr göstərir ki, saat saniyənin çox cüzi hissəciyində yavaşlayıb sürətlənir və bu da ümumi nisbilik nəzəriyyəsini təsdiq edir.
