Müəllifi “Heneghan Peng” olan böyük Misir Piramida muzeyi bu yay fəaliyyətə başlayacaq. Ən azından belə planlaşdırılır. Uzun vaxtdır gözlənilən bu muzey Xeops piramidasından cəmi 2 km məsafədə yerləşir.
Vahid bir sivilizasiyaya həsr olunmuş dünyanın ən böyük muzeyi hesab edilən bu mədəniyyət kompleksində təxminən 100.000 qədim eksponat sərgilənəcək. Bu muzeydə 24.000 m² daimi sərgi sahəsi, uşaqlar üçün muzey, konfrans sahələri, təhsil sahələri, mühafizə mərkəzi və geniş bağlar olacaqdır.
Muzeyin dizaynı 2003-cü ildə Misir hökumətinin təşkil etdiyi beynəlxalq müsabiqədə qalib gələn Heneghan Pengə verilib. Dizaynda 6 fərqli ölkədəki 13 şirkətdən 300 nəfərlik bir heyət iştirak etmişdir. “BuroHappold Engineering” və “Arup” mühəndis işləri üçün İrlandiyalı firma ilə çalışdılar. “West 8”, bütün məkanın landşaft dizaynı və master planında iştirak etdi. Alman firması “Atelier Brueckner” isə Tutankhamun qalereyalarının, Grand Stairs, Piazza Atrium və Uşaq Muzeyinin dizaynında sözün əsl mənasında tər tökdülər.
500.000 kvadratmetr ərazinin relyefi səhradan Aralıq dənizinə doğru irəlilədikdə Nil çayının yaratdığı 50 metrlik yüksəklik fərqi ilə təyin olunmuşdur. Piramidalar səhrada yerləşməsinə baxmayaraq muzey həm vadidə, həm də düzənlik ərazidə yerləşir və iki bölgəni bir araya gətirir. Muzeyin dizaynı, tərtibatı və gündüzdən gecəyə dəyişən böyük şəffaf daş fasadı məkanda yeni bir “sərhəd” müəyyənləşdirir. Dizaynın çərçivəsi, kosmosdan üç qonşu piramidaya qədər uzanan bir sıra əyani oxlar ilə müəyyən edilir.
Muzeyin ümumi dizayn konsepsiyasında memarlıq firması muzeyin bənzərsiz topoqrafiyasını quruluşa uyğunlaşdırmaq və bina boyunca gəzən qonaqlara “laylı” bir təcrübə vermək istəmişdir. Beləliklə, hər bir ziyarətçi muzeyə girdikdən sonra nəhəng bir həyətdən keçir, ardınca kölgəli bir giriş sahəsi onu qarşılayır və bütün qalereyaların yerləşdiyi platforma səviyyəsinə aparan möhtəşəm pilləkənə doğru irəliləyirlər. Bu platforma səviyyəsinə çatan ziyarətçilər muzeyin içərisindəki piramidaları görə bilərlər.
Böyük Muzeyin tikintisi üç mərhələyə bölünür:
Mərhələ I: Tikintiyə hazırlıq üçün ərazinin təmizlənməsi və sahə təhlükəsizliyinin təmin edilməsi.
Mərhələ II: Əsas binanın xaricində yanğınsöndürmə stansiyası, enerji təchizatı mərkəzi və mühafizə mərkəzinin tikintisi.
Mərhələ III: Əsas muzey binasının tikintisi və abadlaşdırılması, eləcə də qazıntı və kontur təyini.
İnşaatdakı bəzi gecikmələrə görə muzey ilkin büdcəsini aşaraq qiymət etiketini 1 milyard dolları aşdı. Hazırda inşası 98% başa çatan binanın açılış tarixi hələ Misir hökuməti tərəfindən açıqlanmasa da, Böyük Misir Muzeyinin 2021-ci ilin yayında qapılarını ziyarətçilərə açması gözlənilir.
