Ayın Yerdən görünməyən hissəsi uzun müddət idi ki, alimlərin maraq obyekti idi. Bəzi konspiroloqlar hətta NASA`nın orada gizli bazalar saxladığını da iddia edirdilər. Chang`e 4 missiyası bu miflərə də son qoydu. Bu missiya çərçivəsində 2 yanvar 2019-cu ildə Ayın görünməyən tərəfində yerləşən Von Karman kraterinə endirilmiş Yutu-2 apparatı 6 müstəqil hərəkət edən təkərə malikdir. Onlardan 4-ü öz oxu ətrafında fırlanır ki, bu da apparata yerində 360 dərəcə dönməyə imkan yaradır.
Yutu-2 modelində rentgen analizatoru, Çin və İsveçin birgə istehsalı olan neytral atom detektoru ilə əvəz olunub.
Bu isə tədqiq olunan qrunt və atmosfer nümunələrinin tərkibinin daha dəqiq öyrənilməsinə kömək edir.
Bundan başqa Yutu-2 infraqırmızı spektroqraf və panorama kameralar və ay səthini darayan radarla da təchiz olunub.
Səhifəmizdə hər hansı səhv və ya qeyri-dəqiq məlumat gördükdə, həmin mətni seçib Ctrl+Enter düymələrini sıxaraq bu barədə bizə məlumat verməyinizi xahiş edirik.
